2009-cu il oktyabrın 27-də Rusiya İnformasiya-Mədəniyyət Mərkəzində S. A. Gerasimov adına Ümumittifaq Dövlət Kinematoqrafiya İnstitutunun (ÜDKİ) yaradılmasının 90 illiyinə həsr olunmuş gecə keçirilib.

Gecəyə ÜDKİ-nin məzunları olan tanınmış Azərbaycan kinematoqrafçıları, yaradıcı ziyalılar - şairlər, yazıçılar, rəssamlar, ictimai xadimlər toplaşıblar.

Tanınmış kinorejissor Ziya Şıxlinski postsovet məkanında rus mədəniyyətinin təsiri altında milli kinostudiyaların formalaşmasında ümumittifaq kino sənətinin «alma-mater»inin mühüm rolu olub.

Gecə iştirakçılarını səmimi salamlayan Azərbaycan Kinematoqrafçılar İttifaqının katibi Eldar Quliyev ÜDKİ-də təhsil aldığı illərlə bağlı xatirələrini bölüşüb.

Gecədə iştirak edən tanınmış Bakı bardları Georgi Çernoqorov, Samir Rəcəbov, Elxan Çələbi və digərləri rus və Azərbaycan dilində mahnılar ifadə ediblər.

ÜDKİ-nin məzunları olan Azərbaycan kino sənəti nümayəndələri rus mədəniyyəti və incəsənəti ilə birləşmənin vacibliyini qeyd ediblər. Gecə iştirakçıları Rusiya İnformasiya-Mədəniyyət Mərkəzi yanında fəaliyyət göstərən və müntəzəm olaraq filmlər, o cümlədən premyeralar nümayiş etdirən Kinoklubla əməkdaşlığa dəvət olunublar.

Gecənin sonunda ÜDKİ-nin tədris studiyasında 1953-cü ildə istehsal olunmuş «Şopenin qayıdışı» adlı film nümayiş etdirilib.

Tədbirdə aparıcı rusdilli qəzetlərin əməkdaşları iştirak ediblər. «Lider», «Space», «AzTV» telekanallarında tədbir haqqında reportajlar nümayiş etdirilib.