Cari ilin 10 oktyabr tarixində Rusiyanın Azərbaycandakı Səfirliyində “AzərTac” Azərbaycan Dövlət teleqraf agentliyinin Baş direkoru Aslanov Aslan Əhməd oğluna “Dostluq” ordeninin təqdimetmə mərasimi keçirilmişdir. A.Ə.Aslanov Rusiya Federasiyasının Prezidenti D.A.Medvedevin fərmanı ilə Rusiya Azərbaycan münasibətlərinə verdiyi töhfələrə görə təltif olunmuşdur.
Ordeni Rusiya Prezident Administrasiyasının Rəhbəri S.Y.Narışkin təqdim etmişdir.
Tədbirdə həmçinin Rusiya Federasiyası Prezidentinin köməkçisi D.R.Polıyeva, Müstəqil Dövlətlər Birliyi məsələləri üzrə Federasiya Şurası Komitəsinin sədri A.Y.Molçanov, Nəşr və kütləvi kommunikasiyalar Federal Agentliyinin rəhbəri M.B.Seslavinskiy, “RİTA-SİTA”-nın baş direktoru V.N.İqnatenko, “RİTA-SİTA”-nın baş direktorunun birinci müavini M.S.Qusman, “Moskovskiy komsomolets” qəzetinin baş redaktoru P.Qusev, “Oqonyok” jurnalının baş redaktoru V.Loşak, “Rusiya” telekanalının baş redaktorunun müavini İ.Filina və Azərbaycan Respublikasının Rusiya Federasiyasında Əlahiddə və Səlahiyyətli Səfiri P.Bülbüloğlu iştirak etmişdilər.
Tədbirdə Azərbaycan tərəfini Milli Məclisin deputatları, Azərbaycan Prezidenti Administrasiyasının, Nazirlər kabinetinin, Azərbaycan Respublikası KİV nümayəndələri ilə təqdim olunmuşdur.
