12 oktyabr tarixində M.F.Axundov adına Azərbaycan Dövlət Akademik Opera və Balet teatrında MDB balet ulduzlarının MDB-nin 20-illiyinə həsr olunmuş qala-konserti təşkil olunmuşdur. Konsert MDB ölkələrinin Bakıdakı Səfirlikləri tərəfindən MDB ölkələri Dövlətlərarası Humanitar Əməkdaşlıq Fondunun dəstəyi ilə təşkil olunmuşdur.

Rusiya Federasiyasının Azərbaycan Respublikasındakı Səlahiyyətli və Əlahiddə Səfiri Vladimir Doroxin konsertin əvvəlində etmiş çıxışında qeyd etmişdir ki, Azərbaycanda akkreditə olunmuş MDB ölkələrinin Səfirliklərinin müştərək mədəni tədbirləri xoş bir ənənəyə çevrilmişdir. Sonra Səfir bayram tədbirinin təşkilatçılarına, həmçinin Azərbaycan Mədəniyyət və Turizm Nazirliyinə, Azərbaycan Dövlət Akademik Opera və Balet teatrına tədbirin keçirilməsində göstərdikləri dəstəyə görə öz minnətdarlığını bildirdi.

Tamaşıçıların qarşısında Rusiya, Ukrayna, Belarus, Qazaxstan, və Azərbaycan baletinin aparıcı artistləri çıxış etmişdilər. Onlar “Qu gölü”, “Don Kixot”, “Min bir gecə”, “Korsar” klassik repertuardan olan partiyaları və həmçinin müasir rəqs kompozisiyalarını ifa etmişlər. Hər bir çıxışı zal gur alqışlarla qarşılayırdı.