2009-cu il mayın 23-də Bakıda «Ramada» beynəlxalq mərkəzində «Azərbaycandakı soydaşlar 3-cü Ümumdünya xaricdə yaşayan rusiyalı soydaşlar konqresi öncəsi» adlı ölkə konfransı keçiriləcək. Konfransa Azərbaycandakı rusiyalı soydaşlar təşkilatlarının - Azərbaycan Xalqlarının Həmrəyliyi Respublika Cəmiyyəti, Kazakların Azərbaycandakı Birliyi, «Tuqan tel» Respublika Tatar Mədəniyyəti Cəmiyyəti, Rus Mədəniyyəti Mərkəzi, Tatar İcması, «Samur» Ləzgi Milli Mərkəzi, İmam Şamil adına Avar İcması, Rusdilli Təhsil Müəssisələri Müəllimləri Assosiasiyasının nümayəndələri, məktəb direktorları və s. qatılacaqlar. Rusiya Federasiyası Xarici İşlər Nazirliyinin, Rusiyanın Azərbaycandakı səfirliyinin nümayəndələri konfransın qonaqları qismində iştirak edəcəklər. Tədbirdə rus dili, ədəbiyyatı və mədəniyyətinin Azərbaycanda inkişafı, soydaşların Rusiyaya köçməsi üzrə dövlət proqramı və s. məsələlərin müzakirəsi planlaşdırılır.