Noyabrın 4-də Rəşid Behbudov adına Mahnı Teatrında populyar estrada müğənnisi, Rusiyanın əməkdar artisti Emin Babayevin Rusiya Federasiyasının dövlət bayramı - Milli Vəhdət Gününə həsr olunmuş konserti keçirilib.

Tədbir «Rossotrudniçestvo»nun xətti ilə, «Qoskonsert» FDUM-la birlikdə Rusiya Federasiyasının Azərbaycan Respublikasındakı Səfirliyinin dəstəyi ilə təşkil olunub.

«Rossotrudniçestvo»nun nümayəndəliyinin rəhbəri Ə.Şeyxov Mahnı Teatrında toplaşmış həmvətənlərin təşkilatlarının, onların gənclər şöbələrinin, ictimaiyyətin ayrı-ayrı təbəqələrinin nümayəndələrini bayram münasibətilə təbrik edib.

Tədbirdə Rusiya Federasiyasının Azərbaycan Respublikasındakı fövqəladə və səlahiyyətli səfiri V.D.Doroxin və xanımı iştirak ediblər.

Konsert böyük müvəffəqiyyətlə keçib.

Müğənninin ifasında həm rusiyalı, azərbaycanlı və əcnəbi müəlliflərin estrada klassikasına çevrilmiş populyar əsərləri, həm də müasir bəstəkarların əksəriyyəti məhz E.Babayev üçün yazılmış yeni mahnıları səslənib.

Tamaşaçılar ifaçını mehribanlıqla qarşılayaraq, təşkilatçılara Rusiya musiqi sənəti pərəstişkarları üçün Milli Vəhdət Gününə həsr olunmuş bu bayram hədiyyəsinə görə təşəkkür ediblər.

Tədbir mətbuatda geniş işıqlandırılıb. AzTV dövlət telekanalında tədbir barədə veriliş yayımlanıb.