Cari ilin 3 may tarixində Azərbaycan Respublikası Prezidenti yanında Dövlət İdarəçilik Akademiyasında “RİTA-SİTA” və “AzərTAC” informasiya agentliklərinin köməyi ilə Azərbaycan Recpublikasında Rusya Federasiyasının Səfirliyi tərəfindən hazırlanmış foto sərginin açılışı keçirilmişdir.

Bu sərgidə hər iki ölkənin informasiya agentliklərinin ən yaxşı fotomüxbirlərinin işləri təqdim olunmuşdur. Öncə sərginin bir sıra foto şəkilləri Rusiya İnformasiya və Mədəniyyət Mərkəzində nümayiş etdirilmişdir (Fotosərginin materialları Rusiyanın Azərbaycandakı Səfirliyinin saytının “Fotolenta” bölməsində yerləşdirilmişdir).

Sərgini Azərbaycan Respublikası Prezidenti yanında Dövlət İdarəçilik Akademiyası rektorunun səlahiyyətlərini yerinə yetirən A.Abdullayev və Rusiyanın Aərbaycandakı Səfiri V.Doroxin açdılar.

Sərginin materialları sübut edir ki, mədəniyyət və incəsənət Rusiya-Azərbaycan əlaqələrində xüsusi yer tutur. Mədəni sahədə əməkdaşlıq təbii əsaslarla, iki ölkənin mənəvi və intellektual zənginliyi naminə inkişaf edir.