Cari ilin 9 may tarixində Qələbənin 66-cı ildönümü münasibətilə Rusiyanın Azərbaycandakı Səfirliyi Belorus, Qazaxstan, Moldova, Tacikistan, Türkmənistan, Özbəyistan və Ukrayna səfirlikləri ilə birgə, Bakı şəhəri Nərimanov rayonu rəhbərliyinin və müharibə veteranları təşkilatlatlarının qarşılıqlı əməkdaşlığı ilə Nərimanov qəbiristanlığında Memorial Kompleks önünə əklil qoymuşdur.

Həmvətənlilər təşkilatlarının veteran üzvləri üçün Səfirlikdə ziyafət təşkil olunmuşdur. Rusiyanın Səfiri V.D.Doroxin veteranları Böyük Qələbə bayramı münasibətilə təbrik etmişdir. Ziyafət iştirakçıları qarşısında Rusiyanın Azərbaycandakı Səfirliyinin köməyi ilə Heydər Əliyev Fondu tərəfindən Bakıya dəvət olunmuş M.V.Lomonosov adına Moskva Dövlət Universitetinin Tarix fakültəsinin yaradıcı tələbə qrupu çıxış etmişdir.

Qələbə gününün qeyd olunması çərçivəsində tələbələr həmçinin Kapelhauzda həmvətənlilər qarşısında çıxış etmiş, Azərbaycan veteranlarının böyük qrupu qarşısında konsert proqramı ilə çıxış etmişlər.

Nərimanov qəbiristanlığında Memorial Kompleks önünə əklilin qoyulması

Rusiyanın Azərbaycan Səfirliyində bayram ziyafəti

Rusiyanın Azərbaycan Səfirliyində bayram ziyafəti

Rusiyanın Azərbaycan Səfirliyində bayram ziyafəti