Noyabrın 24-də Rusiyanın Azərbaycandakı səfiri V.Doroxinin Bakı Slavyan Universitetinin tələbələri ilə, bu ali məktəb tərəfindən təşkil olunan «Səfirin saatı» seminar proqramı çərçivəsində görüşü keçirilib.

Tədbirdə universitetin rektoru, professor, f.e.d., AMEA-nın müxbir üzvü K.Abdullayev başda olmaqla professor-müəllim heyəti, müxtəlif fakültələrin tələbələri, habelə Rusiya İnformasiya-Mədəniyyət Mərkəzinin rəhbəri E.Şeyxov iştirak ediblər.

Səfir V.Doroxin Rusiya-Azərbaycan münasibətlərinin post-sovet məkanında münasibətlərin qurulmasının Ən uğurlu modellərindən biri olduğunu vurğulayıb.

İki ölkə arasında münasibətlər nəinki qarşılıqlı anlaşma və dialoqla, habelə üçüncü ölkələrin mövqeyinin qiymətləndirilməsində prinsipial fikir ayrılığının olmaması ilə seçilir.

Görüş əsnasında Səfir tələbələrin Rusiya ilə Azərbaycan arasında əməkdaşlığın müxtəlif aspektlərinə dair çoxsaylı suallarını cavablandırıb.