Olimpiada və yaradıcılıq müsabiqələrinin qalibləri – gənc həmvətənlilər üçün “Zolotoye kolso” (“Qızıl dairə”) şəhərləri üzrə səyahət

Hər il Rusiya Federasiyası xaricdə həmvətənlilərin dəstəyi proqramı çərçivəsində həmvətənlilər – Rusiya tarixi və mədəniyyəti üzrə olimpiada və yaradıcılıq müsabiqələrinin qalibləri üçün Rusiya Federasiyasının tarixi yerlərinə “Zdravstvuy Rossiya” (“Salam Rusiya”) tədris-təlim gəzintilərini təşkil edir.

Cari ilin 11-19 avqust tarixlərində bir qrup (42 nəfər) 14-17 yaşlı azərbaycanlı uşaqlar “Zolotoye kolso” (“Qızıl dairə”) şəhərləri üzrə səyahət edəcəklər. Ekskursiyada Bakıda, Masallıda, Xaçmazda, İvanovkada, Qəbələdə, Zaqatalada “Rossotrudniçestvo” nümayəndəliyi tərəfindən il ərzində keçirilən olimpiadaların qalibləri iştirak edəcəklər. Uşaqlar Moskva, Pereslavl-Zaleskiy, Rostov, Yaroslavl, Kostroma, Suzdal, Vladimir kimi şəhərlərdə olacaqlar. Tanınmış məbəd və kilsələrə, Moskva və Rostov kremllərinə və Rusiyanın digər görməli yerlərinə səyahət, teploxodda gəzinti nəzərdə tutulub.

Səyahət Rusiya Səfirliyi və “Rossotrudniçestvo” nümayəndəliyi tərəfindən təşkil olunub.