Rusiya Federasiyası - Avropanın şərq, Asiyanın şimal hissəsində yerləşmiş dövlət. Ərazisinə görə dünyada ən böyük dövlətdir- 17 075 400 km2 və ya bütün quru səthinin 11,46% (1/9)-ni. Paytaxtı Moskva şəhəridir.

Rusiyanın əhalisi 141,903,979 nəfərdir. Hal-hazırda əhalisinin sayına görə dünyada səkkizinci yeri tutur. Əhalisinin böyük əksəriyyəti şəhərlərdə-73,1% yaşayır. Əhalinin 79,83%-ni ruslar təşkil edir. Dövlət dili rus dilidir. 10-20 milyon arası Türk dilli xalqlar yaşayır. Bunlar başlıca olaraq tatarlar, başqırdlar, çuvaşlar, saxalar, qumuqlar, qaraçay-balqarlar və digərləridir.

Rusiya qurudan 16 ölkə ilə sərhhədi mövcuddur: quruda-Norveç, Finlandiya, Estoniya, Latviya, Litva, Polşa, Belorusiya, Ukrayna, Gürcüstan, Azərbaycan, Qazaxıstan, Çin, Monqolustan, Şimali Koreya ilə, sudan- Yaponiya və ABŞ-la. Bütün bunlar Rusiyaya həm Avropa, həm də Asiya ölkəsi olmağa imkan verir. Siyasi və hüquqi cəhətdən Rusiya imperiyasının və SSRİ-nin varisi olduğu üçün beynəlxalq münasibətlərdə əsas rollardan birini oynayır. BMT, MDB, AİQ, MAƏT, KTMT, ŞƏT, ASİƏT və s. kimi təşkilatların üzvüdür.

Tarix

862-ci ildən etibarən ardıcıl dövlətçiliyi mövcuddur. Müasir-Rusiya Federasiyası adını 25 dekabr 1991-ci ildə almışdır.

* Kiyev Knyazlığı (862-1242)

* Böyük Vladimir Knyazlığı (1157-1389)

* Moskva knyazlığı (1246-1389)

* Böyük Moskva Knyazlığı (1389-1547)

* Rus çarlığı (1547-1721)

* Rusiya İmperiyası (1721-1917)

* Rusiya Respublikası (1917)

* Rusiya Sovet Federativ Sosialist Respublikası (1917, 1922-ci ildən SSRİ-nin tərkibində)

* Sovet Sosialist Respublikalar İttifaqı (1922-1991)

* Rusiya Federasiyası (1991-ci ildən bu günə kimi)

Rəsmi dil - Rus dili

Paytaxt - Moskva

Prezident - Dmitri Medvedyev

Baş Nazir - Vladimir Putin

Pul - Rusiya Rublu (RUR)

Saat qurşağı - UTC +2 - +12

Internet TLD - .ru

Telefon kodu - 7